Jólatónleikar í Skálholti

Laugardaginn þ. 8. desember 2007 voru haldnir Aðventutónleikar í Skálholtsdómkirkju á vegum Sálholtskórsins. Einsöngvarar voru Sigrún Hjálmtýsdóttir og Egill Árni Pálsson. Barna- og unglingakór Biskupstungna söng einnig nokkur lög og stóðu krakkarnir sig frábærlega. Hjörleifur Valsson fiðluleikari stjórnaði Kammersveit. Organisti var Douglas A. Brotchie. Stjórnandi Skálholtskórsins er Hilmar Örn Agnarsson. 
Séra Guðmundur Óli Ólafsson sóknarprestur Skálholtssóknar í rúmlega fjóra áratugi lést síðastliðið vor. Í minningu hans voru fluttir tveir jólasálmar eftir hann á tónleikunum.
Hið árlega jólalag Skálholtkórsins er samið af Hildigunni Rúnarsdóttur en það hljómaði í mínum eyrum eins og tilvalið lag fyrir Hrekkjarvöku til að hræða óþæga krakka. Einnig var frumflut nýtt jólalag eftir Ragnar Kristinn Kristjánsson frá Flúðum, sem er frábært lag og Ave María eftir Sigurð Bragason tónskáld, sem heyra má hér á myndbandinu sungið af Rannveigu Bragasóttur og talar sínu máli. (Á tónleikunum var lag Sigurðar flutt frábærlega af Henríettu Ósk Gunnarsdóttur söngkonu).

Athugasemdir

[Henrietta Ósk Gunnarsdóttir (IP-tala skráð) 10.12.2007 kl. 15:08]

Sæll

Henrietta Ósk heiti ég og söng þetta fallega lag hans Sigurðs Bragasonar á aðventutónleikunum í Skálholti þann 8. des. Ég vildi bara ath hvort að það væri möguleiki á því hvort þú gætir leiðrétt misskilning sem gæti orðið á því að ég hefði flutt lagið sem þú settir inn á síðuna en það er ekki svo. Þetta er ekki minn flutningur. Mér þætti vænt um ef þú gætir sett það inn á bloggið að þetta sé ekki flutningurinn sem var á tónleikunum sjálfum.

kær kveðja

H. Ósk :)

[Egill Árni (IP-tala skráð) 10.12.2007 kl. 15:38]

Sæll Júlíus, og takk fyrir frábærar myndir.  

Ég hef mikinn hug á að fá jafnvel afrit af nokkrum þessara mynda ef hægt er.   Gaman væri að fá að heyra frá þér þegar þú hefur tíma :)

Bestu kveðjur,
Egill,

[Hildigunnur Rúnarsdóttir, 11.12.2007 kl. 10:37]

híhí, varðstu hræddur, ræfillinn...?

[Henrietta Ósk Gunnarsdóttir (IP-tala skráð) 11.12.2007 kl. 11:51]

Sæll

Takk kærlega fyrir leiðréttinguna sem var nú ekki síður fyrir konuna sem syngur lagið sem er á blogginu :)

En alveg frábærar myndir og góð umfjöllun um tónleikana sem er nú ekki slæmt að fá ......

með bestu kveðju

H. Ósk :)

[Júlíus Valsson, 11.12.2007 kl. 12:47]

Já Hildigunnur, ég hrökk í kút.
Ég er ekki þar með að segja, að það þurfi að vera einhver helgislepja yfir öllum jólalögum. Þetta með "jólalögin" er fyrst og fremst spurning um markaðssetningu þ.e. hvað telst til jólalaga og hvað ekki. Það er alltaf gaman af því að heyra að tónlistin er að þróast og athugasemd mín var alls ekki hugsuð sem neikvæð gagnrýni heldur fremur hvað hughrif hún vakti hjá mér. Annars hef ég ekkert vit á tónlist. 

[Hildigunnur Rúnarsdóttir, 11.12.2007 kl. 14:03]

maður þarf ekkert að hafa vit á tónlist, það er algjör óþarfi, nema maður vinni við hana, náttúrlega.

Annars fannst mér þetta gersamlega hilarious, ég er frekar vön krítík sem nútímatónskáld fyrir að vera of lagræn, (vonandi aldrei væmin - eins og mér fannst sumt þarna reyndar). Veit ekki hvaða hughrif verk ýmissa kollega minna hefðu á þig, ef þetta var nútímalegt að þínu mati :D