Heilbrigðisreglugerð WHO: Hagsmunir eða heimska?

Ísland stendur nú frammi fyrir ákvörðun, sem kann að virðast tæknileg og fjarlæg, en sem snertir eitt af helgustu gildi íslenskrar stjórnskipunar: 
Fullveldi þjóðarinnar.

Hér er átt við fyrirhugaðar breytingar á Alþjóðlegu heilbrigðisreglugerðinni (IHR) og nýjan heimsfaraldurssamning sem Alþjóðaheilbrigðismálastofnunin (WHO) vinnur að. Breytingarnar taka sjálfkrafa gildi hjá aðildarríkjum 19. júlí næstkomandi, nema þeim sé hafnað með formlegri yfirlýsingu.

Ísland er meðal aðildarríkjanna en stjórnvöld hafa ekki tjáð sig opinberlega um málið.

Hvers vegna veit nú enginn. Eru það hagsmunir eða heimska?
RÚV fjallar ekki málið. Kemur það á óvart?

Ógn við fullveldi Íslands

Í stjórnarskrá Íslands segir skýrt í 1. grein að Ísland sé fullvalda ríki. Öll valdheimild stjórnvalda á upptök sín hjá íslensku þjóðinni, engum öðrum. Nú er hins vegar gert ráð fyrir að WHO geti í framtíðinni tekið sér vald til að lýsa yfir alþjóðlegum neyðarástandi og leggja fyrir einstök aðildarríki að framkvæma tilteknar ráðstafanir.

Við Íslendingar verðum að spyrja okkur: Erum við reiðubúin að framselja vald yfir eigin sóttvarnaráætlunum til aðila alþjóðastofnunar sem enginn Íslendingur hefur kosið?

Enn eitt framsalið á fullveldi Íslands? Enn eitt stjórnarskrárbrotið?

Mannréttindi og lýðræði í húfi

Hér er ekki bara spurning um fullveldi ríkisins, heldur einnig um grundvallarréttindi borgaranna. Breytingarnar á IHR og nýi samningurinn gætu opnað dyrnar að eftirfarandi ráðstöfunum:

1. Ferðatakmörkunum sem ákveðnar eru utan Íslands.
2. Upplýsingasöfnun um heilsufar einstaklinga án innlends lýðræðislegs aðhalds eða eftirlits.
3. Skyldubundnum bólusetningum, sóttkví eða öðrum aðgerðum sem óvíst er hvort Alþingi hefði samþykkt.
4. Heilsufarsrannsóknir á ferðafólki, rafræn heilsuvottorð, skráningu upplýsinga og aukin fjármálaleg aðkoma einkaaðila að starfsemi stofnunarinnar.

Við Íslendingar höfum áratugum saman lagt áherslu á mannréttindi, friðhelgi einkalífs og sjálfsákvörðunarrétt einstaklinga. Eigum við að leggja þessi verðmæti í hendur ólýðræðislegra embættismanna í Genf?

Aðrar þjóðir eru varfærnar – erum við það einnig?

Nokkur Evrópuríki hafa þegar vakið athygli á að breytingarnar gangi of langt og geti brotið gegn þeirra eigin stjórnarskrá. Sviss, sem hýsir höfuðstöðvar WHO, hefur kallað eftir skýrum fyrirvörum. Ísland má ekki sýna minni varfærni.

Hvað eiga Íslendingar að gera?

Við eigum að standa vörð um:

a) Fullveldi þjóðarinnar.

b) Rétt Alþingis til að ákveða aðgerðir á íslensku yfirráðasvæði.

c) Lýðræðislegt aðhald og gagnsæi.

Það þarf ekki að þýða að Ísland standi utan alþjóðlegrar samvinnu. En við verðum að tryggja að samvinna við WHO verði á okkar eigin forsendum og skilyrðislaust innan þeirra marka sem stjórnarskráin heimilar.

Niðurstaða: Höfum kjark til að segja NEI?

Ég skora á íslensk stjórnvöld að hafna þessum breytingum að óbreyttu. Þetta snýst ekki um að vera með eða á móti lýðheilsu – þetta snýst um það hver fær að taka ákvarðanir fyrir íslensku þjóðina.
Það er kominn tími til að við spyrjum okkur og lýðræðiskjörna fulltrúa okkar:
”Ef ekki við sjálf – hver á þá að verja fullveldi Íslands?”

Fresturinn er að renna út

Fresturinn til að senda höfnun rennur út 19. júlí 2025. Hafi slík yfirlýsing ekki borist WHO fyrir þann tíma, verða breytingarnar bindandi fyrir Ísland án frekari aðkomu löggjafans. Ljóst er að mikil leynd hvílir yfir málinu á Íslandi, á sama tíma og umræðan hefur farið vaxandi í ýmsum ríkjum sem telja fullveldi sitt í hættu vegna fyrirkomulagsins.

 

Áram Ísland!

#WHO #ESB #Bókun 35 #fullveldi Íslands #frelsi #EES-samningur #sjálfstæði #lýðræði #Ísland #stjórnarskrá #stjórnarskrárbrot "alþjóðlega heilbrigðisreglugerðin (IHR) #IHR #nýr heimsfaraldurssamningur #alþjóðaheilbrigðismálastofnunin #WHO 

Athugasemdir

[Guðmundur Ásgeirsson, 12.7.2025 kl. 22:54]

Ég hef áhuga á að vita meira um þennan WHO sáttmála. Það hafa lengi verið í gangi flökkusögur um að hann innihaldi einhver stórhættuleg ákvæði sem færi WHO meint "alræðisvald" á heimsvísu (sem er reyndar ekki hægt samkvæmt alþjóðalögum). Fyrir allnokkru átti ég í samskiptum við manneskju sem hafi einmitt skrifað pistil með varnarorðum í miklum upphrópunarstíl við þessu meinta "alræðisvaldi". Ég ákvað því að spyrja viðkomandi hvar í sáttmálanum þetta kæmi fram og benda á það með tilvitnun eða vísun í greinarnúmer í texta sáttmálans (hann er mjög langur og ég hef takmarkað svigrúm til að lúslesa slík skjöl í frítíma mínum). Þá varð nú fátt um svör og það eina sem var vísað í voru tröllasögur sem aðrir höfðu skrifað sem voru greinilega staddir í samskonar hugarheimi og þessi. Sama hvað ég eltist við það sem var fjallað um fann ég hvergi neina tilvitnun eða vísun í þau ákvæði í texta sáttmálans sem var haldið fram að hefðu þessu meintu áhrif. Eftir ítrekaðar tilraunir til að biðja viðkomandi um nákvæmari heimildir var á endanum svarað með þjósti: "LESTU ÞETTA BARA SJÁLFUR!" Nú hafði ég í einfeldni minni haldið að einhver sem sæi ástæðu til að skrifa langorða og stóryrta pistla um innihald samnings eða sáttmála hefði verið búinn að kynna sér efni hans nógu vel til að geta rökstutt mál sitt með tilvísunum. Nei, það var bara vísað á aðra sem höfðu skrifað það sama eða svipað og étið hver upp eftir öðrum í einhverskonar hringrúnki án þess að neinn þeirra hefði rökstutt neitt af því með tilvísunum í textann sjálfan sem þetta snerist allt um.

Þess vegna vil ég spyrja þig góðfúslega, getur þú hjálpað mér til fróðleiks um þennan wHO sáttmála með því að vísa mér á hann með tengli og/eða tilvitnun í textann eða númerum greina eða blaðsíðna þar sem hægt er finna þau orð í texta sáttmálans sem eru sögð fela í sér þetta meinta framsal valds til alþjóðlegu heilbrigðismálastofnunarinnar?

[Júlíus Valsson, 12.7.2025 kl. 23:41]

Taskk fyrir þetta Guðmundur
Ég hélt að helstu ástæður fyrir þvi að hafna reglugerðinni kæmu fram hér aðframan en svona svarar gervigreindin þessari spurningu:

Af hverju ætti Ísland að hafna nýrri heilbrigðisreglugerð WHO?

Framsal á fullveldi

Nýju reglurnar fela í sér að WHO fengi auknar valdheimildir til að lýsa yfir neyðarástandi og setja bindandi tilmæli um ferðatakmarkanir, bólusetningar og meðferðir.

Þetta myndi takmarka sjálfsákvörðunarrétt Íslands og setja heilbrigðiskerfið okkar undir stjórn alþjóðlegrar stofnunar sem hefur ekkert lýðræðislegt umboð frá Íslendingum.

Hagsmunatengsl og gagnsæi WHO eru vafasöm

WHO er að stórum hluta fjármögnuð af einkaaðilum, svo sem lyfjafyrirtækjum og gríðarríkum sjóðum (t.d. Gates Foundation).

Það vekur spurningar um hvort stefnumótun WHO þjóni almannaheill eða einkahagsmunum.

Ísland má ekki verða verkfæri fyrir hagsmunabaráttu stórfyrirtækja í alþjóðlegum neyðartilvikum.

Ógn við mannréttindi og frelsi einstaklinga

Nýju reglurnar gætu gert skyldubundnar aðgerðir mögulegar:
a) Skyldubólusetningar
b) Ferðatakmarkanir innanlands og milli landa
c) Ritskoðun á upplýsingum á netinu sem WHO telur „rangfærslur“.

Þetta grefur undan lýðræði og einstaklingsfrelsi.

Ísland hefur sérstöðu

Ísland er einangrað eyríki með góðan heilbrigðisviðbúnað og þarf ekki alþjóðlega yfirstjórn í farsóttum.

Áhættan við að gefa eftir sjálfstæði er meiri en hugsanlegur ávinningur.

[Guðmundur Ásgeirsson, 13.7.2025 kl. 00:03]

Sæll Júlíus. Ég var ekki að spyrja gervigreindina heldur þig, hvar þetta stendur í umræddum sáttmála. Til dæmis með tilvitnun eða tilvísun með tengli og númeri greinar eða blaðsíðu í umræddum sáttmála. Ég vil bara geta sannreynt það sem er haldið fram.

Það svarar ekki þeirri spurningu að éta upp eftir gervigreind það sem hún hefur apað eftir skrifum fólks á netið án þess að vísað sé til neinna heimilda.

[Júlíus Valsson, 13.7.2025 kl. 08:55]

Hér er ágæt heimild: 

https://utvarpsaga.is/arnar-thor-stjornvold-verda-ad-hafna-reglugerd-who-fyrir-19-juli/

[Guðmundur Ásgeirsson, 13.7.2025 kl. 16:41]

Sæll. Ég var ekki að biðja um vísun á einhvern annan sem segir það sama og þú og fer aftur sama hringinn heldur vísun í texta sáttmálans sjálfs. Miðað við þann áhuga sem þú hefur á málinu hlýtur þú að hafa hlustað á viðtalið við Arnar Þór sem er hátt í klukkustundar langt. Á hvaða tímapunkti í viðtalinu er vísað til texta sáttmálans með beinni tilvitnun, greinarnúmeri eða öðrum rekjanlegum hætti? Það myndi spara mér mikinn tíma ef þú gætir gefið mér upp tímasetningu í viðtalinu sem ég gæti farið beint á í stað þess að eyða klukkutíma til einskis.

[Júlíus Valsson, 13.7.2025 kl. 18:32]

Guðmundur Ásgeirsson. Hér eru svör við þínum apurningum:

https://www.who.int/news-room/questions-and-answers/item/international-health-regulations-amendments

[Júlíus Valsson, 13.7.2025 kl. 19:45]

Guðmundur Ásgeirsson. Þessi slóð átti einnig að fylgja:

https://apps.who.int/gb/ebwha/pdf_files/WHA77/A77_ACONF14-en.pdf