Úr Kjöti í Kaffi

Eitt sinn var sagt um ágætan frönskukennara í M.R. að hann væri eins og nýkominn úr baði á leið í sturtu. Hvað um það. Nýkominn úr Kjötborg beint í Sunnlenska bókarkaffið á Selfossi. Þar er alltaf heitt á könnunni og góð stemning. Ekki síst fyrir sanna Framsóknarmenn og bókaorma. Sunnlenska er í raun þrískipt; Kaffistofa, nýjar bækur og fornbókaverslun. Þar má oft gera reifarakaup. Fékk t.d. "The portable Hawthorne" á hundraðkall. Útsöluprís. Mæli með þessari menningarvin í annars fremur daufum bæ. Þar má stundum hitta fyrir Bjarna Harðar og frú, hana Guðbjörgu frá Flúðum, sem þekkir alla (og þig líka). Túrista með fartölvur að nýta sér ókeypis Internettengingu og ýmsa merka Sunnlendinga. Og jafnvel Egil Helga að grúska fyrir Kiljuna.

 

 

 

 

 

 

 

 

Og þar má finna bók eftir sjálfan Torbjörn Egner, áritaða af honum sjálfum. Hann Stjáni Babú minnir dálítið á Bastían bæjarfógeta. Enda báðir sannir Framsóknarmenn. Þar má einnig finna ýmsar bækur um Sunnlensk málefni og jafnvel bækur úr hinu merka bókasafni Kristjáns frá Djúpalæk.

 

 

 

 

 

 

 

 

Svo óska ég Hafþóri til hamingju með bakfallslykkjuna. Hún verður endurtekin á Selfossi á morgun kl. 15:00 ef mér förlast ekki. 

Bakfallslykkja Hafþórs