Bókamarkaðurinn, afsprengi kreppunnar?

Menn velta því fyrir sér, hvers vegna landsmenn flykkjast nú á Bókamarkaðinn í Perlunni. Nokkrar "samsæriskenningar" hafa heyrst í umræðunni. Kreppan, atvinnuleysið, dýrtíðin (menn hafi ekki engur efni á þvi að fara í bíó), X-D, að allir séu orðnir vinstrisinnaðir og það sé talið fínt að lesa bækur o.s.frv.
Þetta eru svo sem góð og gild rök en skýringin á þessum miklu vinsældum bókarinnar og á bókmenntum almennt er mjög einföld og hún er: Kiljan

Nú þarf Egill Helgason einungis að gera ámóta vandaða og bráðskemmtilega þætti og Kiljan er,  um myndlist, tónlist (og jafnvel ballett?, nei annars, bara ekki ballett) og þá eru Íslendingar aftur orðnir að menningarþjóð.

 

 Egill Helgason er okkar nýji Björn Th. Björnsson

Athugasemdir

[Ragnhildur Jónsdóttir, 3.3.2009 kl. 14:08]

Hélt við hefðum alltaf verið bókaþjóð og fyllt bókabúðir og bókamarkaði enda aldrei til of mikið af bókum á góðum heimilum.

[Júlíus Valsson, 3.3.2009 kl. 14:15]

Rétt hjá þér Ragnhildur. Hins vegar var Bókamarkaðurinn ekki "inni" í fyrra og þar áður af einhverjum ástæðum. Bækur fara ekki vel við stál og gler.

[Ragnhildur Jónsdóttir, 3.3.2009 kl. 14:31]

Nei það er örugglega nokkuð til í því að mjúkar innihaldsríkar bækur falla ekki vel við stál og gler hahaha og safna ryki og allt uss ég vil frekar fullt af bókum (var að koma heim úr ferð númer tvö á markaðinn) Fátt betra í kulda og snjó en að sitja með kisu í fanginu, hundinn á tásunum, heitt sterkt kaffi og góða bók að lesa  mmmmm...