Að hætta

Mönnum reynist oft erfitt að hætta, þrátt fyrir fögur fyrirheit og einbeittan vilja. Að hætta við að hætta er ekki óalgengur kvilli. Ótrúlega margir hafa hætt að reykja og drekka. Í alvöru.

Og síðan hætt við að hætta.

Nú hóta sumir því að hætta að lesa Moggann. Stíga á stokk og strengja þess heit.

Sannleikurinn er sá að ALLIR munu lesa Moggann og blaðið á morgun (eða hinn) verður líklega mest lesna dagblaðið í Evrópu (miðað við fjölda lesenda að sjálfsögðu).

Nú VERÐA allir að lesa Moggann. Hvort sem menn eru með eða á móti.

Spurningin er bara: Hvar og hvernig?

"Það er engin leið að hætta"... Stuðmenn

Keep it simple!
BB King

Athugasemdir

[Ragnhildur Kolka, 24.9.2009 kl. 21:24]

Þú hittir naglann á höfuðið. Í dag taka allir undir með Stuðmönnum; það er engin leið að hætta. Líka þeir sem segjast vera hættir.

[Ómar Bjarki Smárason, 24.9.2009 kl. 21:26]

Það er auðvelt að hætta, en erfitt að byrja ekki aftur. Þannig verður það væntanlega með Moggann eins og tóbakið og áfengið......

[Katrín Linda Óskarsdóttir, 25.9.2009 kl. 00:44]

Góður Júlíus, sammála þér

[G. Tómas Gunnarsson, 25.9.2009 kl. 12:54]

Ég er næsta viss um að þú hefur rétt fyrir þér.

Þvaður sem er skrifað með það að markmiði að sem flestum falli í geð og engum í mót, er enda lítt eftirsóknarvert.

[Anna (IP-tala skráð) 27.9.2009 kl. 01:38]

Góður. Þetta held ég að verði nákvæmlega málið. Fólk mun sakna minningargreinanna svo mikið að það gerist áskrifendur aftur eftir nokkra mánuði.