Forsetakippur?

Til eru kenningar um að Jörðin okkar sé í raun lífvera, sem andar. Eitt er víst að eldfjöllin anda, þenjast út og skreppa saman. Margt er enn óljóst varðandi samspil náttúruaflanna en það er betra að fara gætilega í fullyrðingum. Menn gætu lent á óskastund..


Keep it simple
BB King

Meira frá Blúshátíð 2010 - Devil's Train

Devil's Train á Blúshátíð 2010

Lífsgæðafabrikkan

Lady GaGa var sköpuð af nefnd, rétt eins og úlfaldinn. Munurinn er sá, að hvað frúna varðar þá var nefndin sammála, öfugt við úlfaldanefndina. Mig hefur stundum grunað að MJ hafi verið vel útfært plott, allavega þar til kviknaði í hárinu á honum og hann missti nefið. 

Nú get ég ekki beðið eftir að berja augum og fá smakka á handborgurunum hjá Jóa og Simma í Fabrikkunni þeirra í 2007 turninum. Þetta verður eins og fyrir tónleika Led Zeppelin í Höllinni. Maður mætir auðvitað kvöldið áður með hitabrúsa og teppi. Að sjálfsögðu. Þeir klikka ekki.

Við íslendingar höfum sýnt og sannað, að við kunnum eitthvað í markaðssetningu. Við getum meira að segja unnið saman. Við getum sett saman nefnd, sem kemur málum áleiðis öllum til hagsbóta. Einhver er enn tilbúinn að fjárfesta í góðum hugmyndum. Nú er bara að setja saman nefnd, sem kemur okkur áfram í samfélagi þjóðanna. Stjórnmálastéttin getur það ekki. Við þurfum að koma okkur sjálfum og okkar vörum á alþjóðlegan markað. Nýjar hugmyndir þurfa ekki endilega að vera frumlegar. Við getum notað það sem þegar er til á hugvitsamlegan hátt.

Höldum svo upp á það með einum stórum Big-FAB hjá Jóa og Simma. 

Nyhugmynd.com

 

Rödd úr fortíðinni

Ísland er að stækka. Og verður verðmætara fyrir vikið. Þá er við hæfi að rifja upp fornan texta:

Þá svarar Einar [Þveræingur]:

Því em ek fáræðinn um þetta mál að engi hefir mig að kvatt. En ef eg skal segja mína ætlan þá hygg eg að sá muni til vera hérlandsmönnum að ganga eigi undir skattgjafir við Ólaf konung [Haraldsson] og allar álögur hér, þvílíkar sem hann hefur við menn í Noregi. Og munum vér eigi það ófrelsi gera einum oss til handa heldur bæði oss og sonum vorum og allri ætt vorri þeirri er þetta land byggir og mun ánauð sú aldregi ganga eða hverfa af þessu landi. En þótt konungur sjá sé góður maður, sem eg trúi vel að sé, þá mun það fara héðan frá sem hingað til þá er konungaskipti verður að þeir eru ójafnir, sumir góðir en sumir illir. En ef landsmenn vilja halda frelsi sínu því er þeir hafa haft síðan er þetta land byggðist þá mun sá til vera að ljá konungi einskis fangstaðar á, hvorki um landaeign hér né um það að gjalda héðan ákveðnar skuldir þær er til lýðskyldu megi metast.
Snorri Sturluson (Heimskringla) 1991:406.


Mynd: ruv.is

Brjálaður blús

Blúshátíð Reykjavíkur fór vel af stað.

Nóg fjör er eftir næstu daga, sjá  http://blues.is/

Blúsdívan Deitra Farr og Crister Palais eiginmaður hennar
Fleiri myndir

 

Keep it simple
BB King

Greiningardeildin

Greiningardeildin er nú stödd á Goðabungu. Menn einblína á skjáina. Þetta eru óróamælingar.
Á yfirborðinu er allt slétt og fellt þó gos sé í Grend.  Undir kraumar og gröfin tala sínu máli: 

Keep it simple
BB King

Nýr Guttormur?

Margir sakna Guttorms úr Húsdýragarðinum. Gutti var lengi stórasta naut í heimi, a.m.k. í augum litla fólksins.
Nú er lag að fá í garðinn nýjan geðgóðan nautkálf, en þó með sjálfstæða vilja. Hann ætti auðvitað að heita Ögmundur.

Stóri og litli Gutti

Risakálfur undir Eyjafjöllum

Sprakk vetnisbólan, eða þarf hún meiri straum?

Íslendingar eru skynsöm þjóð. Við höfum löngum talið okkur til þeirra, sem helst hvetja til og stuðla að framþróun og framförum á ýmsum sviðum. Tæknin er okkur afar hugleikin. Hér á landi býr vel menntuð þjóð með ríka réttlætiskennd. Sannleikurinn, þó það sé heimspekilegt hugtak, er hér á landi mikilvægur gjaldmiðill í samskiptum manna. Án sannleikans erum við lítils virði. Án sannleikans er allt í plati. Tæknilega séð.

Margir muna eftir vetnisvæðingunni svonefndu. Hrein orka fallvatnanna skyldi virkjuð til að framleiða vetni, sem notað yrði til að knýja farartæki ýmiss konar. Græn orka, engin mengun, hljómar mjög vel. Vetnisstöðin við Suðurlandsveg var opnuð almenningi við hátíðlega athöfn í nóvember 2007. Atburðurinn vakti talsverða athygli fjölmiðla og sá Reuters fréttastofan ástæðu til að vera með sérstaka umfjöllun um málið. VIDEO

Um tíma spókuðu sig á götum Reykjavíkur glæsilegir strætisvagnar knúnir vetni. Mengunarlaus strætó virðist auðvitað góður kostur. Enginn reykur, enginn koltvísýringur, engin lykt, enginn mengandi útblástur, einungis hreint vatn. Nú eru þeir algjörlega horfnir af götunum og enginn veit af hverju. Dæmið gekk ekki upp að því er virðist.

 

Þegar vetnisbílar eru skoðaðir nánar kemur í ljós, að vetnið er framleitt með rafgreiningu þ.e. rafmagn er notað til að framleiða vetni. Vetnið er aftur notað til að búa til raforku. Vetnisbílarnir voru þá þegar allt kom til alls ekki knúnir af vetni heldur raforku. Hverjum hefði dottið þetta í hug? Vetnisbíllinn notar því í raun rafmagn til að komast áfram. Þá vaknar ný spurning?

 

Hvers vegna ekki að nota rafmagnið beint á bílinn og losna við vetnið sem millistig og það orkutap sem óhjákvæmilega á sér stað við það (allt að 40%)? Ljóst er, að nýlegir rafbílar nota litla rafgeyma eða rafhlöður, sem eru sambærilegar við þær sem fartölvur nota (einungis stærri) og hægt er að aka venjulegum fólksbíl allt að 400 km á einni hleðslu. Rafhlaðan er því ekki lengur nein fyrirstaða. Hvers vegna eru þá vetnisbílar enn inni í myndinni? Hvers vegna eru vetnisbílar á Íslandi kallaðir "rafbílar" af yfirvöldum. Er vetnið enn sett ofar sjálfu rafmagninu, sem við eigum þó nóg af? Er etv. ástæða til að gefa vetnisbólunni smá straum svo hún springi? Bólur geta verið til ama.

Þetta er áhugaverðar spurningar einkum fyrir þjóð sem setur sannleikann ofar öllu.

ps
Það er engin ástæða til að hætta að framleiða vetni. Við getum selt það þeim, sem ekki hafa aðgang að nægu rafmagni og sem vilja nota vetnisbíla. Þeir hinir sömu myndu varla kalla slíka bíla "rafbíla". Eða hvað?

Áhugaverðar síður:

http://agust.net/vetni/

http://agbjarn.blog.is/blog/agbjarn/entry/616428/

"Keep it simple!"
BB King

Speisað veður

Norðurljósanördar gleðjast nú yfir aukinni virkni sólarinnar.  Árið 2009 var sólin án sólbetta í 260 daga (þ.e. 71% af árinu). 

Í fyrsta skipti í langan tíma sjást nú sólbletti (sunspots) á okkar ylhýru sól. Meiri sólvindur veldur auknum norðurljósum ef sólvindurinn lendir á Jörðinni.

Hægt er að fylgjast með virkni sólarinnar og norðurljósa á norðurhjara veraldar í rauntíma á vefnum:

Spaceweather.com