Hvað er að gerast undir Íslandi?

Eins og kunnugt er, hefur Ísland þá jarðfræðilegu sérstöðu að þar fer saman heitur reitur og landrek. Landið er smám saman að gliðna í sundur og undir kraumar kvika, sem á upptök sín djúpt í jarðskorpunni.  Rannsóknir jarðskjálftamælinga á Íslandi (seismic imaging), benda til þess, að kvikan geti stigið á mjög óreglulegan hátt upp á yfirborð jarðar og þurfi alls ekki að fylgja neinu þekktu mynstri.  Öfugt við það sem áður var talið þarf hún því ekki að safnast í kvikuhólf a.m.k ekki í því formi sem menn hafa haldið til þessa.  Kvikan getur því sullað og bullað í jarðskorpunni líkt og heitt síróp í potti. Slíkar hreyfingar (kvikukraum?) geta eflaust verið orsök jarðskjálfta í vissum tilvikum. 

Nýleg grein í New Scientist dregur í efa tilvist kvikuhólfa undir jarðskorpunni, sem menn hafa lengi ímyndað sér að séu til staðar í eldfjöllum einkum þar sem er að finna "heita reiti" (e:hot spots) eins og á Íslandi og á Havaíeyjum. 

Fróðlegt verður því að vita, hvar kvikuraumið næst sullar og bullar upp úr jörðinni.  Jarðskjálftakort Veðurstofunnar bendir til þess, að kvikan sé orðin óþolinmóð og vilji ólm brjótast upp á yfirborðið.  En hvar, það veit enginn. 

Keep it simple
BB King

Ný meðferð við slitgigt í hnjám?

Slitgigt í burðarliðum svo sem ökklum, hnjám og mjöðmum er eitt algengasta vandamál sem rekur á fjörur gigtarlækna í dag.  Engin sértæk meðferð er til við sjúkdómnum, sem oftast er hæggengur og veldur langvarandi verkjum, stirðleika og hreyfihindrun.  Kostnaður þjóðfélagsins vegna slitgigtar er gífurlegur. 

Nú hafa vísindamenn við háskólasjúkrahús í Ontario í Kanada (Western Ontario McMaster Universities (WOMAC)) komist að því að gamalt og gott sýklalyf, doxycykline dregur úr liðskemmdum vegna slitgigtar þegar til lengri tíma er litið.  Þetta eru mjög merkilegar niðurstöður og verða eflaust grunnur að frekari rannsóknum á þessu sviði og þróunar nýrra lyfja við slitgigt.  Ekki veitir af!

Keep it simple BB King

 

Dauðinn sjálfur

Find more artists like Kristján Jóhann at Myspace Music

Marquise Knox tilnefndur til tónlistarverðlauna

Blúsarinn ungi, Marquise Knox, sem heillaði okkur öll á Blúshátíðinni í apríl s.l. hefur nú verið tilnefndur til Riverfront Times tónistarverðlaunanna í ár (RFT).

Marquise er af mörgum talinn vera einn efnilegasti ungi blúsarinn og hefur verið nefndur sem arftaki BB King. 

Styðjum öll við bakið á Marquise Knox en hann er tilnefndur í flokknum "Best Solo Artist (Male)" (flokkur nr. 14).
Einnig er hægt að skrifa nafnið hans í flokk nr. 16 (Best Blues Artist) og flokk nr. 18 (Best New Artist).

Slóðin er: http://polls.riverfronttimes.com/polls/stl/musicshowcase2011/

Keep it Simple
BB King

Er einelti um allt land?

Margir búa við varanlegar afleiðingar eineltis í skólakerfinu. Því miður taka kennarar of oft þátt í leiknum. Heilu skólarnir þagga málin niður.

Taktu þátt í eineltiskönnuninni og sendu tölvupóst á: [e-mail]

þá færðu sendan spurningalista um einelti. 

Keep it Simple
BB King

 

 

 

Vasti Jackson í kvöld á Blúshátíð

	Stemningin í gær var engu lík   Keep it Simple BB King

Kemur BB King á Blúshátíðina í apríl?

Kannski, kannski ekki. Það er óvíst hvort hann treysti sér. Hitt er víst að hingað kemur ungur blúsari, sem reyndar verður tvítugur á þessu ári. Hér er um að ræða Marquise Knox. Hann lærði að syngja og spila blús af afa sínum (auðvitað). Það er greinilegt að hann er með blúsinn í genunum. Það verður mikill heiður að fá þennan unga blúsara hingað til lands en hann mun spila á Blúshátíðinni í Reykjavík í apríl n.k. Það er engin spurning að hann verður einn af þeim stóru a.m.k. ef honum tekst að forðast kvenfólk, viskí og vindla :)

	Keep it simple BB King

 

 

Miðinn

Í landi grænu nýbylgjunnar hefur ný venja rutt sér til rúms. Þeir, sem kaupa vörur og þjónustu fá ekki lengur kvittun fyrir kaupunum. Þetta hefur ýmsa kosti í för með sér. Menn þurfa ekki lengur að ergja sig yfir dýrtíðinni, verðbólgunni og losna algjörlega við að rífa kjaft ef svindlað er á þeim. Hvað þá að útskýra eyðsluna eða vitlausar fjárfestingar. Þessi nýja venja hefur teygt anga sína út fyrir landsteinana. Heyrst hefur, að þeir sem sömdu um Icesave fyrir okkar hönd hafi vakið aðdáun Breta og Hollendinga fyrir lítillæti og hógværð.

Eftirfarandi samtal átt sér stað þegar íslenska samninganefndin kvaddi viðmælendur sína:

Bretar: "Viltu fá afritið?
Íslendingar: "Ha?"
Bretar: "Viltu fá miðann?"
Íslendingar: "Nei hent'onum bara."   


Keep it Simple
BB King

 

 

Skálmað yfir ómaldanna skildi

Nýja hljómplata víkinga-málm-rokksveitinni Skálmaldar markar tímamót íslenskri tónlistarsögu. Þeir, sem enn hafa ekki barið þessa rammíslensku ómvíkinga augum og eyrum á tónleikum eru eindregið hvattir að gera hið snarasta. Þeir eru nú komnir í flokk með Björk, Sigurrós, Jónsa og Emilíönu. Sjáið bara til. 

Unnendur málmgjalladi víkingarokks skipta milljónum í hinum stóra heimi enda stefna þessir víkingar ótrauðir á útrás. Já, þið lásuð rétt: Útrás!

Skálmöld hefur þegar fengið boð um að spila á tónlistarhátiðinni í Wacken á næsta haustjafndægri. Þetta er æðsta viðurkenning rafmálmgjallandans.  

Þar mun verða um að ræða alvöru útrás, sem ekki byggist eingöngu á væntingum og loftköstulum. Þeir sem kaupa nýju plötuna og borga sig inn á tónleika með Skálmöld fá að upplifa raunverulega skálmöld. Víkingakvæði, rímnasöng, skínandi vopn, leðurbrynjur og skálmar, heitstreningar, ramman seið, blót og svita. Engin tár og tapaða milljarða. Hér fá menn að upplifa stolt, von um betri tíð, styrk og djöfrung hins unga víkings. Tónlist Skálmaldar er heiðarleg og sönn íslensk tónlist. Er hægt að biðja um meira?

Öll umgjörð plötunnar, hugmyndasmíði, tónlist, útsetningar, upptökur og ekki síst plötualbúmið sjálft er hreint listaverk og mikið í lagt. Þessi plata á eftir að vekja íslensku þjóðina upp af svefni liðleskjunnar.

Ég óska Skálmöd innilega til hamingju með þessa frábæru plötu, sem heitir einfaldlega "Baldur".  Baldur er mættur á svæðið og boðar betri tíð.


Keep it Simple
BB King

Hæfileg óreiða lýsir til lifunar

Það hefur lengi verið draumur manna að geta virkjað sólarorkuna með beinum hætti. Ljóstillífun plantanna hefur verið hulin leyndarhjúpi. Smám saman er uvísindamenn að afhjúpa þessa leyndardóma náttúrunnar. Plöntur, þörungar, vissar bakteríur, frumdýr og jafnvel þróðari dýr svo sem salamöndrur geta unnið orku úr sólarljósinu með ljóstillífun, til að framleiða næringu. Þetta ferli er undirstaða tilveru þeirra lífvera, sem ofar eru í fæðukeðjunni. Plöntur fanga orku sólarljóssins með hvatberum, svokölluðum "grænukornum" sem nýta vissar bylgjulengdir sólarljóssins til að breyta koltvíoxíði og vatni í sykur, sem er orkuríkt efnasamband, og súrefni sem aukaafurð:

6H2O + 6CO2 + ljós → C6H12O6 (glúkósi) + 6O2

Í Massachusetts Institute of Technology í Bandaríkjunum er ansi klár náungi, efnafræðingur að mennt, sem heitir Jianshu Cao. Hann lítur út eins og brjálaðir prófessorinn, tryllt augnaráð undir stríðu hári stendur beint upp í loftið eins og ergjarnan á hljómsveitastjórum. Maðurinn er þar að auki óðamála. Honum hefur tekist þrátt fyrir þetta og með hjálp aðstoðarmanna sinna, sem eru ekki nærri eins skrýtnir, að kortleggja ljóstillífunina með nokkuð nákvæmum hætti. Hann komst að því, að plönturnar nýta sér lögmál skammtafræðinnar til að fanga sólarljósið með áhrifaríkri aðferð, þó svo þær geti einungis nýtt sér um 2% af því sólarljósi, sem á þær falla. Rafeindir í ysta lagi grænukornanna taka til sín orku frá ljóseindunum og miðla henni til annarra orkuminni sameinda. Þessi ferill er endurtekinn í keðju sameinda innan grænukornanna þar til rafeindin þ.e. orkan losnar frá keðjunni og geymist sem kolvetni. Grænukornin gegna því þrenns konar hlutverki í þessu ferli; móttaka orku, flutningur hennar og miðlun. Dr. Cao hefur tekist að þróa tölvulíkan, sem segir til um hagstæðasta hlutfallið á milli þessara þriggja þátta. Þessa þekkingu geta erfðafræðingar nú nýtt til að hanna og smíða lífverur, sem nýta sólarljósið með áhrifamiklum hætti (sumir tala jafnvel um að þróa lífverur sem "borða" sólarljós)​.

Draumurinn er að framleiða erfðabreytta fiska, svín og hænur, sem nærast eingöngu á sólarljósi. Namm! Það mætti t.d. koma fyrir ljóstillífunar-bakteríum í þessum dýrum.

Í flestum rannsóknarstörfum leitast menn við að minnka og jafnvel útiloka allar truflanir. Komið hefur hins vegar í ljós, að plönturnar, eins og aðrar lífverur,​ nýta sér vissar skammtafræðilegar sveiflur eða truflanir í flutningi rafeindanna ​til að ná fram sem bestri nýtingu​. Hér gildir því lögmálið "Hvorki of eða van, er best" (e:"Keep it simple, but not too simple"). Nú líður því ekki á löngu, þar til menn geti á björtum sólardegi sett nýja lífræna-erfðafræðilega-undraorkutækið hans Dr. Cao út glugga og stuttu seinna hellt á bílinn lífrænu eldsneyti. Einnig mætti bæta út á sykurgrautinn smá geri og halda svo partý.   ​ 

Verði ljós - til lifunar..

Keep it Simple
but not too simple

Dr. Cao

ref.
http://www.scientificamerican.com/article.cfm?id=power-plants-engineers-mimic-photosynthesis
New Scientist - 11 December 2010
http://is.wikipedia.org/wiki/Lj%C3%B3still%C3%ADfun