Hættum að úða garðana okkar með eitri!

Þegar býflugan deyr, þá deyja blómin.

Tími garðaúðunar dauðans er að hefjast. Eiturpésar ganga um með eiturkúta og gasgrímur. Eiturgufur þrengja sér inn um glugga og gættir. Krakkar og kettir kasta upp, fullorðnum verður bumbult.

Skordýraeitrið heitir "permetrín". Það er eitrað fyrir menn og spendýr en banvænt fyrir nær öll skordýr; fiðrildalifrur, blaðlýs, maura, köngulær, allar flugur jafnt býflugur sem hunangsflugur.
Permetrín drepur ALLT líf í garðinum. Það drepur fiska og það getur valdið ofnæmi hjá fólki. Það strádrepur ketti. Það brotnar þó fljótt niður en er mjög öflugt á meðan það er virkt.

Eitrið drepur öll skordýr, jafnt gagnleg sem "ógagnleg".

Garðaúðun raskar lífríki náttúrunnar.

Garðaúðun er hryðjuverk gegn lífríkinu.

Mikil vandamál hafa skapast víða t.d. á Bretlandseyjum. Þar er hunangsflugan horfin. Býflugur eru að hverfa í Bandaríkjunum. Þetta veldur því að blóm og jurtir að ýmsum toga frjóvgast ekki lengur. Lífríkinu hefur hnignað stórlega.

Til eru aðrar einfaldar leiðir til að halda skaðlegum skordýrum í skefjum en garðaúðun með banvænu eitri. T.d, með því að velja réttar tegundir gróðurs í garða. Tryggja nægilegt vatn og næringu. Úða bara með vatni á vorin þegar fiðrildalifrur kvikna.

Verndum lífríki náttúrunnar. Sláum skjaldborg um hunangsfluguna.

Heilbrigð humla að störfum

Áhugaverðir hlekkir:

Verndum skordýrin á Jörðinni
Bumbebees in Crisis
The Honey Bee Crisis 
Practical Approaches to Pest Control: The Use of Natural Compounds

Athugasemdir

[Grímur Kjartansson, 12.5.2023 kl. 09:12]

Því miður gerir fólk almennt engan greinarmun á býflugum, humlum og geitungum
Mér finnst nú að maður sjái sjaldan viðvörunarmiðanan um að búið sé að eiturúða garða og í raun furðanlegt að það sé enn leyft í þéttbýli
Býflugurnar fara allt að 3 km radíus frá búinu í leit að fæðu og ef  þeim tekst að bera eitrið heim þá má reikna með að allt búið verði fyrir áhrifum eitruninnar

[Þröstur (IP-tala skráð) 13.5.2023 kl. 20:35]

Býflugur eru bara orðnar sjaldséðar ...