Ber Íslandi að refsa Rússum? Og hver er kostnaðurinn af því?

Viðskiptabann á Rússa kostar sitt

Samtök atvinnulífsins óskuðu eftir því í lok árs 2015 að íslensk stjórnvöld endurskoðuðu stuðning sinn við viðskiptabann ESB á Rússland. Þau töldu bannið hafa haft mjög neikvæð áhrif á íslenskt atvinnulíf og áætluðu þá að íslensk fyrirtæki í sjávarútvegi og landbúnaði hefðu þá orðið af um fimmtán milljarða króna tekjum á ári vegna stuðnings stjórnvalda við það. Síðan er liðinn tæpur áratugur og því óhætt að margfalda þá upphæð nokkrum sinnum.  

Þar að auki hafi áhrif á vöruútflutninga þeirra þjóða sem styðja bannið hafa verið hlutfallslega mest á Íslandi, en ESB hafði reglulega framlengt bannið um sex mánuði, en til stóð að það félli niður í lok janúar 2016.

Ísland er ekki hluti af Evrópusambandinu (ESB) en er hluti af Evrópska efnahagssvæðinu (EES) og Schengen-samkomulaginu sem tengir okkur samræmdri stefnu ESB í ýmsum málum m.a. varðandi refsiaðgerðir. Hins vegar eru efnahagslegar, sögulegar og félagslegar ástæður fyrir því að Ísland ætti að hugleiða að taka ekki þátt í refsiaðgerðum ESB gegn Rússlandi eða öðrum þjóðum:

Efnahagslegar ástæður:

1. Viðskipta- og efnahagstengsl: Rússland er afar mikilvægur markaður fyrir íslenskar sjávarafurðir, einkum fiskútflutning t.d. á makríl og síld. Refsiaðgerðir stefna þessum viðskiptum í hættu til frambúðar og skaða þannig íslenskan sjávarútveg, sem er lykilstoð efnahagslífsins. Viðskiptabann Íslands á Rússa hefur þegar gengið af mikilvægum fyrirtækjum dauðum (sbr. nýlegt dæmi, Skagann X3 á Akranesi) með tilheyrandi hörmungum fyrir nærumhverfið og þjóðarbúið í heild.
2. Orka og auðlindir: Stefna Íslands í orkumálum og hagsmunir af því að auka fjölbreytni í orku- og náttúruauðlindum er í uppnámi vegna refsiaðgerðanna. Þar sem Rússland er stór alþjóðlegur aðili í orkuöflun, sölu og dreifingu orku gæti það verið afar gagnlegt fyrir orkuöryggi Íslands og framtíðarsamstarf til viðhalda jafnvægi í samskiptum við Rússland.
3. Áhrif ferðaþjónustu: Rússneskir ferðamenn hafa lengi lagt sitt af mörkum til ferðaþjónustunnar á Íslandi. Refsiaðgerðir draga að sjálfsögðu úr fjölda rússneskra gesta og hefur bein neikvæð áhrif á tekjur Íslands í geira sem þegar er viðkvæmur fyrir alþjóðlegum efnahagssveiflum og kolefnisgjöldum ESB.

Sögulegar ástæður:

1. Hlutlaus utanríkisstefnuhefð: Í gegnum tíðina hefur Ísland haldið uppi hlutlausri afstöðu í alþjóðlegum átökum og hefur forgangsraðað samræðum og samningum fram fyrir refsiaðgerðir. Þessi nálgun er í takt við víðtækari sögulegri utanríkisstefnu Íslands um hlutleysi, sérstaklega á tímum kalda stríðsins.
2. Landfræðilegt jafnvægi: Sem smáþjóð í Norður-Atlantshafi hefur sögulegt hlutverk Íslands oft verið það að viðhalda jafnvægi milli stærri ríkja, á milli austurs og vesturs. Þessi landfræðilega staða landsins krefst þess oftar en ekki að Ísland móti sína eigin afstöðu frekar en að að sýna ávallt hlutdrægni í miklum alþjóðlegum deilum.
3. Samstarf á norðurslóðum: Ísland og Rússland eru norðurslóðaþjóðir sem eiga sameiginlega hagsmuni að gæta í stjórnun norðurslóða, umhverfisvernd og sjálfbærri auðlindastjórnun. Refsiaðgerðir og viðurlög hafa bein truflandi áhrif á þetta samstarf sem skiptir sköpum fyrir stefnumótun og umhverfishagsmuni Íslands.

Félagslegar ástæður:

1. Almenningsálitið: Íslenskt almenningsálit hefur í gegnum tíðina verið varfærnislegt og menn hafa ætíð verið tregir til að blanda sér í alþjóðleg átök og viljað forðast beina íhlutun í lengstu lög. Viðhorf almennings hallast að því að viðhalda góðum diplómatískum samskiptum við öll lönd, þar á meðal Rússland, frekar en að styðja refsiaðgerðir sem auka á spennu milli stórveldanna. Rifja má upp að einungis Rússar og Færeyingar stóðu með Íslandi í bankaráninu mikla árið 2008.
2. Menningarsamskipti og söguleg tengsl: Ísland og Rússland hafa átt rík sameiginleg menningar- og fræðileg samskipti í gegnum tíðina. Þessi tengsl geta stuðlað að gagnkvæmum skilningi og samræðum og geta refsiaðgerðir truflað þessi tengsl og takmarkað samskipti á milli þjóðanna.
3. Mannréttindi: Sumir líta á refsiaðgerðir sem aðför að rússneskum almenningi frekar en að stjórnmálaelítunni. Slíkt mannúðarsjónarmið gæti vissulega haft áhrif á félagsleg viðhorf til þátttöku í refsiaðgerðum Íslands.

Sjálfstæði Íslands í eigin stefnumótun:

Sjálfstæð ákvarðanataka Íslands, þó hún sé undir áhrifum af stefnu ESB vegna EES-aðildarinnar, er afar mikilvægur þáttur í fullveldi þjóðarinnar. Líta má á það að neita að taka þátt í refsiaðgerðum sem tákn um heilbrigða og sjálfstæða utanríkisstefnu Íslands og skuldbindingu til sjálfstæðrar og raunhæfrar ákvarðanatöku í hverju tilviki fyrir sig. Og þá vaknar sú spurning hvort refsiaðgerðir ESB hafi haft einhver áhrif á efnahag Rússlands eða þá gang stríðsins í Úkraínu? Hver er þá fórnarkostnaður Íslands af þátttöku í slíkum refsiaðgerðum?

Til hvers eru Íslendingar að refsa Rússum? Til hvers? Og hvað kostar það okkur sem þjóð?

Kolefnisskattar ESB á flugið lagðir niður í Svíþjóð. Íslendingar borga enn...

Þór­dís Kol­brún Reyk­fjörð Gylfa­dótt­ir, ut­an­rík­is­ráðherra, sagði í viðtali við Mbl. í mars 2023 að þá fyr­ir­huguð lög­gjöf ESB um los­un­ar­heim­ild­ir á flug­ferðir væri „stærsta hags­muna­mál Íslands frá upp­töku EES samn­ings­ins“. Hún sagði að „það yrði aldrei verða samþykkt að sam­keppn­is­hæfni Íslands myndi skaðast“ líkt og sú lög­gjöf sem samþykkt hafði verið í ESB bar með sér.  

Þrátt fyrir stóru orð ráðherrans og fögur fyrirheit voru Lög um viðskiptakerfi ESB með losunarheimildir samþykkt af Alþingi Íslendinga þ. 22. desember 2023. Einungis sjö þingmenn (þ.e. þingmenn Flokks fólksins og Miðflokksins) neituðu að samþykkja þessi ólög: Ásthildur Lóa Þórsdóttir, Bergþór Ólason, Eyjólfur Ármannsson, Inga Sæland, Jakob Frímann Magnússon, Sigmundur Davíð Gunnlaugsson og Tómas A. Tómasson

Innlent skattlagningarvald er ein af frumforsendum fullveldis ríkja. Með því að færa það úr landi veikja menn íslenskt fullveldi. Enn fremur orkar það mjög tvímælis út frá æðstu réttarheimild lýðveldisins, stjórnarskránni. Þetta mál sýnir eina af mörgum neikvæðum afleiðingum EES-samstarfsins sem leitt hefur til skerðingar á fullveldi Íslands.

Íslendingar hafa hagað sér eins og algjörir aumingjar í þessu máli sem bæði óskynsamlegt og óhagstætt gagnvart íslenskum hagsmunum ekki síst samkeppnishæfni landsins. Undirlægjuhátturinn gagnvart ESB er algjör og til háborinnar skammar fyrir Alþingi Íslendinga.  

Svíar leggja niður kolefnisskatta á flugið

Svíar eru þátttökuþjóð í ESB eins og allir vita. Nú hefur ríkisstjórn Svíþjóðar og flokkur Svíþjóðardemókrata ákveðið að afnema hinn umdeilda flugskatt ESB.

- "Við munum einfaldlega leggja niður og fjarlægja þennan skatt á flugið", sagði Linda Lindberg, leiðtogi Svíþjóðardemókrata, á blaðamannafundi um fjárfestingar í haustfjárlögum. Flugskatturinn var settur á af fyrri ríkisstjórn Svíþjóðar árið 2018 til að draga úr loftslagsáhrifum flugsins. Þeir sænsku stjórnmálaflokkar sem kenna sig við Tidö-samkomulagið og flugfélögin hafa áður haldið því fram að skatturinn hafi neikvæð áhrif á samkeppnishæfni Svíþjóðar og hafa nú ákveðið að afnema hann frá 1. júlí 2025. Gert er ráð fyrir að verð á flugmiða innanlands og innan Evrópu verði um 80 sænskum krónum lægri og utan Evrópu um 325 sænskum krónum lægri eftir að flugskatturinn verður lagður niður.

Íslendingar borga, til að móðga ekki ESB

Á meðan þurfa íslenskir flugfarþegar og fyrirtæki greiða fulla kolefnisskatta til ESB vegna ömurlegrar hagsmunagæslu og roluskaps utanríkisráðuneytisins.

 

Vigdís skefur ekki utan af því

Vigdís Hauksdóttir segir ríkisstjórninni til syndanna í Silfrinu 

Aukinn vopnaburður unglinga - Innflutt vandamál

Aukinn vopnaburður unglinga lýsir í raun þeim grundvallarbreytingum, sem hafa orðið á íslensku samfélagi í tíð núverandi ríkisstjórnar. Meginábyrgðin liggur hjá ráðherrum Sjálfstæðisflokksins sem lengst hafa farið með þann málaflokk sem snýr að löggæslu- og dómsmálum og málefnum útlendinga. Hvatinn hefur komið frá samstarfsflokkunum.

Hingað til lands hafa streymt óáreittir ýmiss konar glæpahópar, hryðjuverkamenn og aðrir misyndismenn. Erlendar glæpaklíkur hafa hreiðrað um sig hér á landi með góðum árangri varðandi eiturlyfjadreifingu og sölu, innbrotum, þjófnaði, eignarskemmdum, ofbeldi, oftar en ekki kynbundnu, og ónæði fyrir hinn almenna borgara. Ungt fólk getur ekki lengur treyst því að fá að ganga óáreitt um bæjarfélög sín á kvöldin og á næturlagi og konur verða fyrir stöðugu áreiti og ofbeldi af hendi útlendinga, jafnvel leigubílstjóra!

Hvers vegna bera íslenskir unglingar nú vopn? Skýringin er sáraeinföld. Fjölgun erlendra glæpahópa og stóraukið ofbeldi í tengslum við þá veldur því að unglingunum þykir sem þeir þurfi að vopnavæðast til að geta varið sig. Innfluttir hryðjuverkamenn eru jafnvel farnir að ráðast á unglingana í skólunum! Enginn er óhultur. Þetta er innfluttur vítahringur í boði fjölmenningarsinna og glóbalista.

Að venju er byrjað á öfugum enda: „Það þarf að breyta unglingunum okkar, það þarf að breyta þeirra viðhorfi“ er sú mantra sem þulin er í sífellu. Lausnin felst ekki í því að breyta íslenskum unglingum. Það er ekkert að þeim. Lausnin felst í því að uppræta erlenda / og innlenda glæpahópa og vísa skilyrðislaust öllum innfluttum glæpamönnum tafarlaust úr landi sem unnt er skv. íslenskum lögum. Við erum að missa tökin. Íslenskir unglingar þurfa fyrst og fremst aukið öryggi í samfélaginu. Það dugar ekki að taka af þeim hnífana og hnúajárnin. Það dregur ekki úr ótta og óöryggi. Nú þarf að hreinsa rækilega til!

 

 

Spennandi flokksráðsfundur XD?

Hvað er framundan hjá Sjálfstæðisflokknum?

Frekara framsal á fullveldi Íslands með Bókun 35 og fjórða orkupakka ESB? Hærri vextir, aukin ríkisútgjöld og hærri skattar vegna "borgarlínu" og útlendingamála og milljarðagjafa og styrkja til vildarvina og hærri kolefnisgjöld til ESB, allt í nafni "loftslagsmála og orkuskipta" og kaupa á byssukúlum til að kála fleiri ungum rússneskum hermönnum? Þetta kostar allt sitt og eykur enn á verðbólguna. Það má auðvitað alltaf níðast frekar á örorku- og ellilífeyrisþegum með auknum skerðingum á þeirra lífeyri. Svo má auðvitað gleðja sveitavarginn með vindtúrbínum. Spennandi flokksráðsfundur á morgun?

Höfundur er f.v. sjálfstæðismaður og einn af stofnendum Félags sjálfstæðismanna um fullveldismál og samtakanna Orkan okkar.

 

Blóðmerar bankanna og verðlaunadúddar

Unga fólkið á Íslandi þarf að hafa greiðslugetu upp á a.m.k. eina milljón á mánuði til að geta fjármagnað sína fyrstu íbúð! Hvers vegna eru Íslendingar ekki algjörlega brjálaðir yfir ástandinu? Ekki einn einasti maður er að mótmæla á Austurvelli. 

Íslendingar eru fámenn þjóð og hefur skyldleikaræktun því ekki verið óalgeng, einkum hér áður fyrr, sem ekki þarf að vera slæmt ef magnaðir eru upp góðir erfðaeiginleikar. Fjármálaráðherra, sem er margrómaður dýralæknir hefur komist að þeirri niðurstöðu að langlundargeð Íslendinga megi rekja til erfðagalla þ.e. ákveðinnar röðunar niturbasa í DNA keðjunni, galla fyrir fólkið en himnasendingu fyrir bankana. Alkunna er blóðmerar með "léleg" gen eru aðeins nothæfar til að gefa af sér tvennt: folöld og blóð.

Blóðmeri

Almenningur í landinu er til einskis nýtur nema til að fjölga rolunum og borga skatta og okurvexti. Þetta eru blóðmerar bankanna. Lausnina er að finna í sauðfjárræktinni segir Sigurður Ingi, þ.e. með því að finna rolugenið og útrýma því með sama hætti og riðugeninu í sauðfé; einangrun, niðurskurður og að rækta upp erfðahreina verðlaunahrúta sem eru lausir við óværuna.

Nú er bara að finna einhverja "verðlaunadúdda" sem eru brjálaðir út í himinháa skatta og vaxtaokrið og málið er leyst. 
   

Verðlaunahrútur

 

Orkukúgun Íslendinga?

„Suma pakka er best að sleppa því að opna.“ Davíð Oddson um 3. orkupakka ESB (Mbl 02.09.2018)

Íslendingum er haldið í orkukreppu. Enginn veit þó hvort hún er raunveruleg eða ekki.

Samkvæmt viðtali við f.v. forstjóra Orkuveitunnar til margra ára, Bjarna Bjarnason, er orkukreppan algjör tilbúningur, hreinn uppspuni og næg orka til í landinu. Rafvæðing alls bílaflotans muni t.d. aðeins krefjast um 5% af raforkuframleiðslunni.

Samkvæmt núverandi orkumálaráðherra er orkukreppan hins vegar raunveruleg og mikill ógnvaldur. Vegna yfirvofandi orkuhamfara sé brýnt að Íslendingar virki hverja sprænu með smávirkjunum og reisi vindtúrbínuþyrpingar á hverjum hól til að auka framleiðslu á „grænni“ orku til þess að bjarga okkur sjálfum og öllum heiminum. Íslendingar  þurfi að „flýta orkuskiptum.“ Athygli vekur að meiri "græn" orka fer nú til gagnavera en samanlagt til allra heimila í landinu.

Orkuskiptin urðu á Íslandi fyrir mörgum áratugum og er ljóst að heildarlosun Íslands er einungis um 0.00014% af heildarlosun heimsins. Ekki er auðvelt að sjá hvernig Íslendingar geti t.d. minnkað kolefnislosun um 30% á örfáum árum. Það myndi stöðva þjóðfélagið. Við framleiðum nú þegar mun meira af „grænni“ orku á hvert mannsbarn en öll þjóðríki í heiminum. Er það ekki nóg?

Stóra plottið er auðvitað að einkavæða orkuauðlindina og koma arðinum af henni til fárra. Það má þó ekki segja upphátt. Í staðinn fyrir hreinskilni og heiðarleika nota menn ýmsar loðnar skýringar og hengja sig á blóraböggla svo sem „orkukreppu, glópal hlýnun, alþjóðlegar skuldbindingar, VG og EES-samninginn“.

Ekki fór lítið fyrir áróðrinum og blekkingunum í sambandi við innleiðingu Alþingis á 3. orkupakka ESB, þó engin þörf hafi verið fyrir Ísland að samþykkja hana og neitun af okkar hálfu hefði ekki haft hin minnstu áhrif á EES-samninginn öfugt við fullyrðingar ráðherra. Þriðji orkupakkinn gengur út á að tengja saman orkukerfi aðildarlanda ESB/EES og ryðja úr vegi hindrunum fyrir síkum tengingum. Ráðherrar ríkisstjórnarinnar héldu því fram að 3. orkupakkinn „hefði engin áhrif“ hér á landi og engin áform væru um lagningu sæstrengs. Til hvers þá að samþykkja innleiðingu 3. orkupakkans? Af því bara? Landsmenn eru fyrir löngu hættir að trúa eða treysta orðum ráðherra í núverandi ríkisstjórn og ekki að ástæðulausu.

Landsvirkjun hefur nú fengið leyfi til að reisa vintúrbínuþyrpingu við Búrfell. Við vitum hvaða orku slík þyrping mun skila miðað við um 40% orkunýtingu en við höfum ekki hugmynd um kostnaðinn á bak við hverja túrbínu og munum líklega aldrei að komast að því, honum er haldið leyndu. Forstjóri Landsvirkjunar hefur þó sagt, að hver vindtúrbína sé „mjög dýr“. Líklegt er, að hver einasta vindtúrbína sem reist verður hér á landi í framtíðinni mun hækka raforkuverðið til neytenda. Hér er um að ræða ríkisstyrkt verkefni. Nú streyma inn umsóknir einkaaðila um margra tuga vindmylluþyrpinga um allt land, sem munu fara í samkeppni við Landsvirkjun.

Sameining ráðuneyta orku-, loftlags- og umhverfismála var ekki til þessa að spara peninga fyrir ríkissjóð. Þessi „hagræðing“ var gerð til að umhverfisráðherra sé sá sami og orkumálaráðherra og ekki að gagnrýna ákvarðanatöku þess síðarnefnda og öfugt. Ákvarðanir orkumálaráðherra eru því yfir gagnrýni hafnar innan ráðuneytanna. Vindtúrbínurnar skulu teknar út fyrir rammaáætlun. Best að drífa þær upp áður en lagaramminn er tilbúinn. Nær hefði verið að taka nokkrar vel valdar vatnsaflsvirkjanir út fyrir rammaáætlunina.

Vindtúrbínueinkavæðingarmanía Sjálfstæðisflokksins hefur þegar gengið of langt. Hún gengur of langt þegar hún bitnar á fólkinu í landinu Einkavæðing og einkarekstur á þó auðvitað fullan rétt á sér á vissum sviðum.

Að markaðsvæða raforkuna er ekki sambærilegt við að einkavæða sölu brennivíns eða bifreiða. Fáir vilja í dag sjá bílasölu- eða rakarastofu ríkisins. En enginn getur verið án rafmagns, sem ekki er hægt að meðhöndla á sama hátt og t.d. matvöru eða skó. Hingað til hafa Íslendingar litið á raforkuna sem ódýra og sjálfsagða þjónustu. EES-samningurinn er á allt öðru máli. Raforkan er þar „vara“ sem lýtur markaðslögmálum fjórfrelsisins. Vegna EES hafa Íslendingar þurft að skilja á milli framleiðslu og flutnings á raforku. Vegna hans höfum við Íslendingar í okkar örsamfélagi þurft að koma á fót uppboðsmarkaði á raforku (í alvöru) með tilheyrandi áður ónauðsynlegum afætum, „orkumiðlurum“ og „raforkusölum“ sem þegar hefur til hækkunar á raforkuverði til neytenda. Uppboðsmarkaður þar sem 85-90% raforkunnar kemur frá Landsvirkjun telst varla markaður. Vegna samþykktar orkupakkanna og inngöngu í Orkusamband ESB er yfireftirlit raforkumála á Íslandi nú á höndum „landsreglara“ ACER. Orkustofnun skal lögð niður. Menn verða að vera trúir reglum ESB annars fer EES-samningurinn „í uppnám“ skv. ráðherrum XD. Vegna samþykktar orkupakkanna og inngöngu í Orkusamband ESB munu Íslendingar þurfa að leggja sæstreng til ESB. Þá loksins fá íslenskur almenningur og fyrirtæki að greiða ESB-verð fyrir raforkuna líkt og frændur okkar í Suður-Noregi. Íslendingar hafa aldrei samið um eða sótt um undanþágur varðandi raforkumál vegna EES. Hvers vegna ekki, við erum jú eyland án allra raforkutenginga við ESB! 

Formaður VG vill að orkuauðlindin / vindorkan sé alfarið í eigu þjóðarinnar. Allur þingflokkur VG, undir forystu Katrínar Jakobsdóttur, allir sem einn maður, samþykktu innleiðingu 3. orkupakkans í íslensk lög. Hvað vakti fyrir þeim? Að koma yfirstjórn raforkumála til ESA/ACER í Slóveníu? Að ryðja úr vegi öllum hindrunum fyrir raforkutengingum á milli landa? Að koma á fót uppboðsmarkaði á raforku þar sem hæstbjóðandi hefur ávallt sigur? Að leggja niður Orkustofnun? Að valda margföldum hækkunum á raforkuverðinu til neytenda? Hvað voru þeir að hugsa? Á meðan við erum ógagnrýnir aðilar að EES og gleypum allt hrátt sem þaðan kemur verður orkuauðlindin aldrei í eigu þjóðarinnar. Það er eins gott að formaðurinn geri það sér strax ljóst.   

Hvað vilja erlendir ferðamenn?

Ísland þarf alls ekki á vindmyllum að halda eins og Júlíus Sólnes f.v. umhverfisráðherra útskýrði nýlega í þættinum Vikulokunum á RÚV. „Ísland, vindmyllulaust land“ væri frábært kjörorð. Það væri heiðarlegt gagnvart náttúru Íslands og því uppbyggingarstarfi sem fyrri kynslóðir hafa unnið í áratugi í orkumálum landsins. Ísland á feikinóg af vatnsorku sem þarf að virkja og sem er mun betri valkostur en vindorkan, sem getur hvort sem er ekki verið án varaafls vatnsorkunnar. VG er að hverfa af þingi en það skiptir engu máli, því þeir hafa ætíð gleypt allt hrátt sem Sjálfstæðisflokkurinn hefur skammtað þeim. Fráhvarf hans af Alþingi mun því ekki hafa hin minnstu áhrif á orkumálin á Íslandi. Það er með öllu óskiljanlegt hvers vegna þessi ríkisstjórn leggur meiri áherslu á að flýta uppbyggingu vindtúrbínuþyrpinga í stað þess að halda áfram að virkja vatnsföllin. VG er þar blóraböggull.     

Íslenska þjóðin hefur aldrei verið spurð álits varðandi eignarhald á orkuauðlindinni. Þjóðin heldur að hún sé í almannaeigu. Formaður VG heldur að hún geti verið eign og undir forsjá almennings í landinu. Með því að samþykkja samkeppnisreglur og orkupakka ESB er það borin von. Íslendingar geta ekki lengur sett sín eigin lög í orkumálum því það eru reglur ESB sem gilda. Frumvarp um forgangsorku til heimilanna datt því dautt niður. Bókun 35 mun endanlega innsigla þá martröð, því hún framselur löggjafarvald Alþingis til ESB. Einkarekin orkufyrirtæki sem fara í samkeppni við Landsvirkjun t.d. með því að reisa vindtúrbínuþyrpingar munu krefjast þess að fá að njóta sömu fyrirgreiðslu frá íslenska ríkinu og Búrfellslundur. Ríkisstyrkt starfsemi á samkeppnismarkaði kemur ekki til greina skv. EES (RÚV er þó undantekning, því miður). Starfsemi Landsvirkjunar verður kærð til ESA vegna stærðar hennar og markaðsráðandi stöðu og henni verður skipt upp og hún seld einkaaðilum. Það er einungis tímaspursmál hvenær það gerist. Það er bara þannig en þetta má ekki segja upphátt annars myndi þjóðin rísa upp á afturlappirnar, þrátt fyrir þöggun RÚV. Í rauninni ættu allir réttsýnir Íslendingar nú að vera brjálaðir vegna blekkinga og óheiðarleika ríkisstjórnarinnar og þeirrar orkukúgunar sem við búum við. Spennandi verður að sjá hvort VG muni samþykkja samhljóða Bókun 35 og innleiðingu 4. orkupakka ESB. Líklega vita þeir ekki hvað það hefur í för með sér. Og hvað verður svo um vindorkufrumvarpið hans Gulla? Þurfum við í alvöru að "flýta orkuskiptum"?

Sumt á ekki að einkavæða og suma pakka á ekki að opna.

Asni ESB klyfjaður gulli klifrar yfir borgarhlið

Carbfix ohf. er í eigu Orkuveitu Reykjavíkur. Fyrir tveimur árum hlaut Carbfix styrk frá Nýsköpunarsjóði Evrópusambandsins upp á 16 milljarða íslenskra króna til uppbyggingar á fyrirhugaðri móttöku- og förgunarmiðstöðinni Coda Terminal í Straumsvík. Verkefnið gengur út á að flytja til Íslandi mengunarvökva með koltvísýringi (CO2) frá ESB í sérsmíðuðum eiturefnaflutningaskipum til förgunar og er reiknað er með allt að 130 slíkum skipakomum á ári. Mengunarvökvinn kemur m.a. frá járn-, stál-, og áliðnaði o.fl. í ESB. Enginn veit á þessu stigi hvaða auka-, snefil- og eiturefni felast í þessum innflutta mengunarvökva frá stóriðnaði í ESB.
Íslenska fyrirtækið Carbfix hefur undanfarin ár falið CO2 fyrir ESB með því að dæla því niður í jarðlög á Hellisheiði til að draga úr hamfarahlýnun af mannavöldum. Ekki fylgir sögunni hvernig árangurinn af aðferðinni er mældur, en að sjálfsögðu þarf að meta árangur af hverri aðferð af þeim áhrifum sem hún veldur en ekki af væntingum um árangur.

Carbfix leysir CO2 upp í vatni og dælir vökvanum niður í berglög, þar sem það breytist í steindir á um tveimur árum með hugverkavarinni aðferð.

Suðvesturhornið er allt þversprungið

CO2 breytist í veika sýru, kolsýru, við að blandast vatni. Hugsunin er að þessi blanda breytist í karbónat (kalsíum-, magnesíum- eða járnkarbónat), sem er kalklík bergtegund sem fyllir upp í  holur og glufur  í berginu og þéttir það. Rannsóknir sýna að hraði uppleysingar á basalti hækkar með lækkandi kísilinnihaldi. Við þetta minnkar vatnsflæði um bergið, sem veldur því að grunnvatnsborðið getur hækkað umtalsvert og mun erfiðara verður að ná í hreint drykkjarvatn. Því er reyndar haldið fram að niðurdælingin nái niður fyrir grunnvatnið og að blandan sé eðlisþyngri en grunnvatnið, en á móti kemur að verkefnið þar gífurlegt magn af hreinu bergvatni, eða um 75 milljón tonn af fersku drykkjarvatni á ári! Þau úrgangs- og eiturefni sem dælt er niður fyrir grunnvatnið berast út í hafið með tilheyrandi áhrifum á lífríkið, sem varla getur talist æskilegt. 
Talið er að grunnvatnsstaðan í Hafnarfirði geti hækkað um 40 cm og að mengunarvökvinn geti náð yfir um 100 ferkílómetra svæði. Það gæti farið að flæða inn í suma kjallara.

Berglögin í Hafnarfirði og á Reykjanesinu eru mjög sprungin þvers og kruss, og veit enginn nákvæmlega hvernig þær sprungur liggja nema e.t.v. uppi á yfirborðinu. Basaltið í berggrunni Íslands inniheldur talsvert af snefilefnum og þungmálmum, en það fer eftir sýrustigi og afoxunarspennu. Enginn veit hvaða auka- og eiturefni geta fylgt uppleystu iðnaðarkoldíoxíð frá stál- og járnbræðslum og álverum í ESB sem fá að sullast um bergið í nokkur ár. Enginn veit heldur t.d. hvaða þungmálmar geta leynst í blöndunni og hvaða óæskileg efni geta leyst úr berginu á miklu dýpi við niðurdælingu. Afar áhættusamt er að framkalla jarðskjálfta (allt af 3 á Richter kvarða) undir íbúabyggð á virku eldgosasvæði, það sér hver maður. Jarðfræðingar hafa ítrekað varað við frekari byggð á þessu svæði.

Því hefur verið haldið fram af málsmetandi mönnum að það sé skynsamlegra, mun skemmtilegra og náttúruvænna að fá sér bjór eða gosdrykk með CO2 fremur en að dæla efninu niður í jörðina. Margir stórefist um að hlýnun jarðar sé af mannavöldum og mörg rök bendi til þess að CO2 sé óveruleg gróðurhúsalofttegund. Vatnsgufan sé þar mun áhrifameiri. C14 hafi ekki minnkað í CO2 eftir iðnbyltinguna. Ekki má heldur gleyma því að gífurlegt magn CO2 streymir stöðugt úr jörðinni, m.a. úr eldgosum, með heitu vatni og á háhitasvæðum.

Umhverfissóðar í Evrópusambandinu eiga að sjálfsögðu að pissa í eigin klósett. Íbúar á Stór-Reykjavíkursvæðinu og Íslendingar almennt, þurfa stöðugt að vera á varðbergi gagnvart þeim sem vilja nota Ísland sem ruslakistu fyrir umhverfissóða í ESB. Reynslan sýnir glögglega að ráðamönnum, embættismönnum og eftirlitsaðilum hér á landi er alls ekki treystandi. Því þarf fólkið í landinu að kynna sér málin og draga eigin ályktanir. Hér er um að ræða tilraun á Hafnfirðingum, sem enginn veit hvaða áhrif getur haft þegar til lengri tíma er litið.   

Nú hefur asni ESB klyfjaður gulli klifrar yfir borgarmúra Hafnarfjarðar og ætlar sér að pissa í vatnsbólið.

Hér er hægt að mótmæla staðsetningu Coda Terminal í Hf. 

Galin utanríkisstefna Íslands

"Drottningin með stríðsfákana sína 
býður okkur inn til sín.  
Hún sýnir okkur inní sólina
segir að sólin sé sín."
Bubbi Morthens - Afgan

Því hefur stundum verið haldið fram, að almennt ríkti meiri friður ef konur stjórnuðu heiminum. Þeir sem fylgjast með stjórnmálum á Íslandi eru því líklega ósammála. Ísland er herlaust smáríki sem er í raun varnarlaust og treystir á vinveittar stórþjóðir og bandalög.
Undir þeim verndarvæng tók utanríkisráðherra Íslands þá ákvörðun að segja kjarnorkustórveldinu Rússlandi stríð á hendur. Sendiráði Íslands í Moskvu var lokað þrátt fyrir hagsmuni fjölmargra Íslendinga sem búa þar, og sendiherra Rússa var vísað úr landi, sem gerir samskipti við Rússland afar erfið.
Að auki var ákveðið að greiða tugi milljarða af skattfé landsmanna til Úkraínu m.a. til vopnakaupa. „Úkraína verður að vinna þetta stríð!“ hrópaði ráðherrann. Hvernig Úkraína fer að því að sigra kjarnorkustórveldið Rússland fylgdi þó ekki sögunni.
Ísland er hluti af NATO, sem hefur ákveðin landamæri. Hvers vegna utanríkisráðherra Íslands ákveður að taka þátt í stríðsrekstri erlends ríkis, sem á engan hátt tengist Íslandi eða NATO, er ráðgáta. Hvað verður næst? Sómalía?
Nýlega fór sami ráðherra til Georgíu, þar sem hún tók þátt í mótmælum atvinnuaðgerðarsinna gegn lýðræðislegum ákvörðunum í innanríkismálum ríkisins. Það myndi vekja furðu ef utanríkisráðherra Albaníu stæði með mótmælaspjald fyrir utan landbúnaðarráðuneytið og mótmælti t.d. frumvarpi matvælaráðherra um lagareldi eða fjölmiðlafrumvarpinu.
Formaður utanríkismálanefndar lýsti yfir mikilli velþóknun á stríðsrekstri utanríkisráðherra. Sjálfstæðisfrúin sagði í viðtali eitthvað á þá leið, að svara ætti Rússum „með byssukúlum og sprengjum“. Friðarviðræður væru gagnslausar; drepa þyrfti sem flesta Rússa til að koma á friði.

Guðni heilsar Sergei Lavrov á diplómatískan hátt

Hér er um að ræða algjöran viðsnúning í utanríkisstefnu Íslands. Stefnu, sem virðist einkaflipp herskárra kvenna í valdastöðum. Svo virðist sem þar hafi Alþingi hvergi komið nærri, jafnvel ekki utanríkismálanefnd hvað þá fólkið í landinu. Sumir segja að Pútin sé galinn en getur verið að honum sé bara stjórnað á bak við tjöldin af babúsku, drottningunni með stríðsfákana?  

Það eru nokkrar ástæður fyrir því að Ísland ætti ekki að taka þátt í stríðinu í Úkraínu:

1. Hlutleysi: Ísland hefur lengi haldið uppi stefnu um hlutleysi í alþjóðlegum átökum. Með því að taka þátt í stríðinu í Úkraínu fer Ísland gegn þessari stefnu og skapar hættu á að dragast inn í fleiri átök. Ísland þarf ekki á óvinum að halda.
2. Lítill hernaðarlegur máttur: Ísland hefur ekki eigin her og er því ekki í stakk búið til að veita hernaðarlega aðstoð í átökum. Þó Ísland sé hluti af NATO, þá er hlutverk þess innan bandalagsins aðallega pólitískt og dyggðaraðstoð.
3. Áhersla á mannúðarhjálp: Ísland getur haft mun meiri áhrif með því að leggja áherslu á mannúðarhjálp og stuðning við flóttamenn. Með því að bjóða fjárhagslega aðstoð, heilbrigðisþjónustu og önnur úrræði getur Ísland hjálpað til við að lina þjáningar þeirra sem verða fyrir áhrifum af stríðinu.
4. Diplómatísk stefna: Ísland getur nýtt stöðu sína til að styðja diplómatískar lausnir og stuðla að friðsamlegum samningaviðræðum. Ísland hefur sögu um að vera vettvangur friðarviðræðna og gæti gegnt hlutverki sem milligönguaðili.
5. Öryggi landsins: Með því að forðast beina þátttöku í hernaðarátökum gæti Ísland verndað öryggi sitt. Bein þátttaka gerir Ísland að skotmarki í alþjóðlegum deilum og ógnar innra öryggi landsins.
6. Áhrif á efnahag: Stríð geta haft neikvæð áhrif á efnahag ríkja sem taka þátt í þeim. Með því að halda sig utan stríðsins gæti Ísland forðast efnahagslegar afleiðingar, s.s. kostnað við hernaðarþátttöku og hugsanlega viðskiptaþvinganir.

Með þessum hætti getur Ísland lagt sitt af mörkum til að styðja Úkraínu og alþjóðasamfélagið án þess að taka beinan þátt í hernaðaraðgerðum.

"Þið munið öll, þið munið öll, þið munið öll deyja.
Þið munið öll, þið munið öll, þið munið öll deyja.
Þið munið stikna, þið munið brenna.
Þið munið stikna, þið munið brenna.
Feður og mæður börn ykkar munu stikna.    

Dauðinn situr á atómbombu
hún fer ekki framhjá."

Bubbi Morthens - Hírósíma

Heilbrigð skautun í hraustu samfélagi

 „Hugtakið skautun lýsir þróun í átt til aukinnar skiptingar hópa eða samfélaga í andstæða póla.“ Guðmundur Ævar Oddson, dósent við HA

„Í okkar heimshluta eru vaxandi áhyggjur af lýðræðinu, neikvæðum áhrifum samfélagsmiðla. Teikn eru um aukna skautun; netárásir og undirróðursöfl láta til sín taka. Þau skeyta engu um framtíð landsmanna.“ Bjarni Benediktsson 17. júní 2024.

Innflytjendamál hafa í um áratug verið í höndum Sjálfstæðisflokksins. Á þeim tíma hafa landamæri Íslands verið galopin og er nú svo komið að við búum við svokallað „fjölmenningarsamfélag“. Það vekur því furðu þegar formaður flokksins agnúast yfir því að íbúar landsins skuli nú skipa sér í fylkingar eftir skoðunum. Hafði hann búist við því að þeir sem flytja til landsins séu almennt skoðanalausir og að þeir sem hér eru fæddir og uppaldir séu á sömu skoðun og þeir innfluttu? Er óeðlilegt að landsmenn hafi almennt ólíkar skoðanir og skipi sér í flokka eftir ólíkum skoðunum?

Mao Zedong afnemur alla skautun í Kína

Eina lausnin til að losna við áðurnefnda „skautun“ er að fara að fordæmi Maó formanns og koma á menningarbyltingu þar sem allir ganga í samskonar BB-búningi og hafa sömu ríkisskoðun.

Ekki er langt síðan formaðurinn samþykkti frumvarp um fjölmiðlalög þar sem ritskoðun ESB var lögleidd hér á landi. Einhver ætti því að minna formanninn á að lýðræðið byggist fyrst og fremst á frelsi manna til að hafa og tjá mismunandi skoðanir. Án tveggja skauta streymir engin orka. Án skautunar verða engar framfarir því skautun er einkenni á heilbrigðu samfélagi í þróun.

Um fjölmiðlafrumvarpið