Jólaglögg Kjötborgar 2007

Kaupmennirnir í Kjötborg við Ásvallagötu, þeir Gunnar og Kristján hafa í allmörg ár boðið vðskiptavinum sínum upp á hressandi jólaglögg og lifandi jólatónlist á Þorláksmessu.
Þeir eru öngvir "smákaupmenn" bræðurnir og að venju leystu þeir gesti og gangandi út með jólagjöfum: CD-plötu með sérvöldum Kjötborgar-jólalögum bæði fyrir börn og fullorðna.
Venjan er að heimsækja þá bræður á þessum degi og fá sér heitt jólaglögg og athuga um leið verðið á pakkasúpunum. Það virtist vera í lagi...
Jólaglögg er annars vandfundið í Reykjavík dag.
Hér var áður verslun Péturs Kristjánssonar og ég sjálfur bjó í þessu húsi sem unglingur og þar búa foreldrar mínir enn uppi á lofti. 

Athugasemdir

[Þóra Sigurðardóttir, 24.12.2007 kl. 08:31]

Þetta var skemmtilegt

Eigðu gleðileg jól

[Heimir Lárusson Fjeldsted, 24.12.2007 kl. 09:40]

Bónus Hvað?

[Hrafnhildur Þórólfsdóttir (IP-tala skráð) 24.12.2007 kl. 12:21]

Gaman að sjá að Kjötborg er alltaf eins og þegar ég var ljóshært barn á Brávallagötunni.

[Guðríður Haraldsdóttir, 24.12.2007 kl. 13:02]

Eina sem ég komst ekki yfir í bænum í gær var að heimsækja elsku strákana mína í Kjötborg. Verslaði hjá þeim í næstum 20 ár og þeir voru alltaf jafnyndislegir. Ætla að kíkja á þá milli jóla og nýárs og fá almanakið þeirra, það er ómissandi hér á Skaganum til að minna á þá.

Óska þér og þínum innilega gleðilegra jóla.  

[Linda litla, 24.12.2007 kl. 13:42]

Það var gaman að þessu.

Gleðileg jól og vonandi átt þú ánægjulegar stundir í faðmi fjölskyldunnar.

[Sigrún (IP-tala skráð) 25.12.2007 kl. 01:10]

Gaman að þessu.  Ég bjó í þessu húsi fyrstu æviárin mín (f.1967), foreldrar mínir leigðu íbúð í risinu á háskólaárum sínum .

[Júlíus Valsson, 26.12.2007 kl. 21:24]

...dóttir Páls?

[Kristján Eldjárn Þorgeirsson, 29.12.2007 kl. 22:54]

Gleðilega hátíð frændi!

Kveðja!

Kristján Eldjárn

[Júlíus Valsson, 29.12.2007 kl. 23:12]

Takk sömuleiðis Kristján! Hann frændi þinn stóð sig vel á trommunum!

[Katrín Snæhólm Baldursdóttir, 12.1.2008 kl. 21:43]

Hefði ég bara vitað..þá hefði ég mætt. En ég var að verlsa hjá þeim bræðrum í fyrradag og þeir sögðu mér allt um þennan gjörning sem ég var nú að horfa á ...alveg frábært framtak!!!!! Ég elska að versla í Kjötborginni og stemmingin þar er engu líka..og bræðurnir eru sko alvöru almennilegir kaupmenn og alltaf gaman að sækja þá heim.